【流感爆發】梁詠琪訓練囡囡勤清潔：返到屋企就換衫洗手

楊采妮去年誕下一對孖仔之後，大部分時間留在新加坡，呢日佢難得現身香港，出席時間品牌活動兼有好姐妹梁詠琪，心情大靚的她透露每次返香港都十分開心，尤其是一眾記者朋友都見證著她不同的人生階段。「Gigi之前都有去新加坡探我，我每次返香港都會見吓佢囡囡，今次因爲逗留時間較短，所以無帶小朋友返來。」
她說上次返港工作時，一到埗馬上與孖仔FaceTime，但當時他們仍未有太大的反應，不過今次孖仔就已經會打招呼，但最開心的是孖仔前兩天學會了叫媽媽。「細佬叫媽媽mun mun聲，可能佢以為媽媽食得，哥哥就喺爸爸餵食飯時叫爸爸，真係冧晒。以前長輩也有說過那感覺很奇妙，我現在終於明白。」

提到流感大爆發，楊采妮表示同老公都會更加注意自己健康以及加倍小心。而家中有一女的梁詠琪，亦表示會勤加清潔。「衛生教育係由細增養，大人好難成日提住佢，好在我個囡識返到屋企就換衫洗手，有時佢見我掛住玩電話都會叫我即刻洗手。