【波士早晨】黃智賢與太太結婚14年 定情原來因為一個鑰匙扣

撰文:
最後更新日期:

速食愛情當道,難道世上就沒有愛情長跑的人?這句說話在黃智賢(Ben)身上就完全不成立,「太太只係想我快啲返工,快啲放工,返黎同佢食飯,生活就係咁。」相信Ben也落了不少力氣,保護一段感情,看著他們就明白愛情長跑20多年的魅力,「我最鍾意每天朝早送太太返工,因為係車程裏面就係可以傾到計嘅時間,我地廠景係夜晚,返到去佢已經瞓咗又傾唔到計,呢啲都係我地互相講下呻下嘅時候,再奢侈啲就食下3個鐘嘅lunch。」

攝影:梁碧玲

黃智賢一早就認定太太是終生伴侶,直到2004年到了紐西蘭旅行並註冊結婚。

黃智賢與太太的愛情故事由廚房開始,「當時我喺餐廳做partime,咁我就返早,我就係餐廳廚房負責送菜出窗口,佢就係waitress,日日隔住嘅窗口望到佢,佢又望到我,咁就係耐唔中望下望下。放飯時見到佢食又走去食,就咁開始。」沒有戲劇化的情節,但黃智賢說得甚有畫面,就像昨天發生一樣。

相關文章:

【波士早晨】李佳芯三年前靚啲? 女神呻:睇到以前自己皮膚好好

但望完都要有action的時候,他說皆因一個鑰匙扣,笑言整個過程好dramatic,「佢見到我鑰匙扣好舊,跟住佢就同我換咗個鑰匙扣,原來佢一早已經買定。我當然覺得佢好有心,其實成個過程大家都無出聲,但我幾蠢都估到。」簡單一個動作更勝千言萬語,他直言一早就認定對方是終生伴侶,直到2004年到了紐西蘭旅行並註冊結婚,他就表示當時都是隨心並不是一早計畫好,「大家都想簡單同舒服,都怕繁文縟節。」

Ben2011年憑《潛行狙擊》在台慶頒獎禮上獲得《最佳男配角》獎,期間仲向太太示愛。(視覺中國)

Ben在劇集《波士早晨》就因為偷食而與太太陳慧珊離婚,但現實中他是與角色完全相反,是一名好好先生,因為Ben會主動話俾太太知道拍劇的時間表,「我會同佢講呢套劇會忙啲,未必陪到你食飯,你要自己照顧自己喇,呢套劇我會得閑啲,我會陪你多返啲,之後佢就會問咁有無假放,可唔可以去個旅行,我地嘅生活就係咁。」看似平淡,但其實他們都同樣經歷過天下每一對情侶必經的階段,「大家由青春期到成熟期一齊20幾年,都經歷大家嘅轉變,人都有反叛期、又嗌交又話要分手都試過,但最後都係我氹佢多。」

呢張係《波士早晨》嘅劇照。

而近十年Ben才真正懂得包容對方嘅缺點,「之前相愛嘅時候就係見到大家嘅優點,之後就開始放大啲缺點,但係其實個啲缺點無改變過,只不過你接納咗。」他最後亦指不要試圖改變對方,而去接納對方,因為你係愛佢everything。他之後亦表示經常同太太形容他們是相依為命,因為沒有小朋友的他們,生活只有對方,「因為咁就百分百就係我就得你,你就得我,咁仲唔係相依為命,我覺得個focus會落晒落去會更加珍惜。」

Ben表示不要試圖改變對方,而去接納對方。

Ben自言年紀大開始「嗒」落珍惜是甚麼,「你無第二個可以同你走成世人,幾好嘅朋友都未必同你走落去,唯獨你嘅另一半係陪你生老病死。所以我經常同佢講,你要珍惜下我喇,我地相依為命喇咁!」人生匆匆數十載,雖然Ben早前在訪問時曾講過,在事業上沒有甚麼期待,但有甚麼可以勝過找到一位可以和你走一世的人,其實「最期待的畫面」黃智賢一早已經找到了。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。