杜汶澤為去沙灘做足準備 追擊陳奐仁變肌神:做唔到,我去死!

撰文:鄺鈺瑩
出版:更新:
杜汶澤經常流連健身室,係就係大隻咗好多,不過佢話接下來増肌之餘同時消脂。(ig圖片)

42歲的陳奐仁用10個月時間,以健身方法成功由肥仔變肌man,唔少網民都大讚故事十分勵志,而其中一位網民杜汶澤,日前佢都有轉載陳奐仁的健身片段,更表示「見到陳奐仁咁,你仲好意思偷懶咩?」,故事發展落去,就係杜汶澤宣布再次展開收身計劃。

陳奐仁成功做肌肉男,引發杜汶澤加入收身大計。(影片截圖)

杜汶澤於fb表示被陳奐仁的恆心同毅力感動,而曾為減肥界鉅子的他,近日因腸胃炎而腸胃炎,於是他決定趁機開始收身計劃。「不但要増肌,更要消脂!要做到之前做唔到嘅效果!」阿澤更預告今年夏天要以最fit嘅身形去沙灘曬太陽,仲話只許成功、不許失敗,「做唔到,我去死」玩到咁大,老婆田蕊妮除咗讚好之外,仲話到時會陪阿澤去沙灘。

杜汶澤其實都試過擁有人魚線。(網上圖片)

其實阿澤早年為拍《豪情2》時,都試過用半年時間減去28磅,外加人魚線,有圖有真相引起一片譁然,而阿澤當時亦有大方分享「杜氏減肥法」。如今阿澤要重拾人魚線,相信絕非難事。

發表評論...