吳岱融再唱新歌好感動 成班老死撐場搞到鷲哥眼濕濕

撰文:
最後更新日期:

之前就講咗有「金牌屎忽鬼」之稱、64歲型伯鬼塚嘅種種都市傳說,今次就轉一轉個話題,講講佢行內有邊幾個藝人同佢係Friend底。入行差唔多有四十年嘅佢,就原來同「鷲哥」吳岱融非常老友,今日佢更同歐陽震華、陶大宇、張兆輝、郭政鴻同廖駿雄齊齊去旺角支持吳岱融,為吳岱融嘅國語歌《我的朋友不簡單》錄音。出名飲得嘅鬼塚就成日拎住杯酒,一班兄弟就笑指他手中的是開聲茶,而廖俊雄仲笑住話未來要搵人扶靈係靠呢班兄弟,成個場面都好開心好熱鬧。

原來鬼塚同歐陽震華、陶大宇、吳岱融佢哋係咁Friend!(黃國立攝)

相關文章:

綠葉王鬼塚係傳奇設計師 造衫造到九龍城有成棟樓?
64歲型伯鬼塚簽TVB打發時間 拍過五十套戲:有得演出已經開心

 

一班兄弟為支持吳岱融嘅新歌而獻聲。(黃國立攝)

講到首歌本身,吳岱融就話首歌自己有份填詞,打算七月左右喺網上推出,而起初就知道大家都檔期忙,所以都係諗住試下約,點知老婆鍾淑慧逐一聯絡呢班兄弟,呢班兄弟又一個鐘內話OK,令佢感動到眼濕濕。出名鍾意搞Gag嘅歐陽震華聽到呢番話後,就忍唔住話其實一班兄弟本身就冇嘢好做,根本就可以日日都嚟到,非常搞笑。

七條佬加埋有都有幾百歲,但仍然好童心未泯,玩得好High!(黃國立攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。