江嘉敏支持拍拖AA制或者一人請一餐:開始時可以講明點分擔使費

撰文:
最後更新日期:

Kaman話自己支持拍拖AA制。

現今呢個年代不少情侶拍拖時也會奉行「AA制」,日前台灣一名女生就在討論區開Post講述自己因為男友連一蚊都計到盡,兩人晚飯後結賬未能除開單數的1元台幣,其男友竟表示他對上一次付多了一蚊而要女友今次畀返,結果這名台女覺得男友實在太計較而狠心跟對方分手結束5年情。江嘉敏 (Kaman) 得悉這件事之後,都覺得該名台男的確是太過斤斤計較,但亦認為女方只因為1蚊就決心分手好可惜。

Kaman覺得因為1蚊就分手唔值得。

Kaman說:「為咗1蚊太小事喇,5年感情咁就無咗唔值得,其實個女仔由day 1同個男仔開始就知道個男仔係咩人,既然雙方都講明咗AA制而個女仔又接受到,點解依家突然先嚟接受唔到?個男仔都唔係依家先咁計較㗎啦,接受唔到佢咁樣當初就唔應該一齊,好過依家浪費咗5年時間。」Kaman話自己好彩無遇過咁小家的男朋友,她亦不用男方付晒拍拖時的所有使費。

Kaman話佢支持拍拖AA制。

Kaman表示:「我支持AA制,又或者係一人請一餐都得,大家開始拍拖時可以講好點樣分擔使費,有時啲節日同生日都可以互相請下對方,心意嚟,唔需要下下計到咁足,做人咁斤斤計較會好辛苦。」雖然Kaman無遇過小家男朋友,但都有遇過小家男:「試過同新相識嘅男性朋友食飯,食完飯要埋單時大家鬥望大家,我都頂唔住話咁我畀啦,個男仔個樣仲要擺出一副「今餐你㗎」嘅表情,真係好肉酸。我請唔係問題,但你唔好老馮咁先得㗎。」

Kaman認為做人咁斤斤計較好辛苦。

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。