【影視博覽】黃智賢成TVB最多產主角 唔怕劇集變倉底

撰文:
最後更新日期:

TVB今日全台總動員宣傳劇集!(林通賢攝)

演藝界的盛事「香港影視博覽」今日於會展開幕,TVB亦帶領一眾台前幕後亮相攤位。出席藝人包括有今年視帝視后王浩信、唐詩詠、陳展鵬、黃翠如、蕭正楠及洪永城等,好似台慶咁熱鬧。當中最多產男演員嘅黃智賢,今年就有《是咁的法官閣下》及《危城first lady》推出,佢笑言,「咁啱啫都係,都要多謝公司同監製,啱用就攞去用。可能有好多故事角色都適合我所以先搵我。」

提到咁多劇集今年推出,怕唔怕自己其中一部劇會變星期日播或者倉底劇,阿ben就話,「《法官閣下》係一個好貼地嘅題材,即使佢放學係邊個時段播都唔會有影響。今次嘅內容俾《四個女仔三個bar》更加豐富,呢類律政劇一向都有捧場客。」

阿ben指工作已經排到年尾,更表示明天都會繼續到影視博覽宣傳劇集,「聽日會嚟宣傳合拍劇《鐵探》,係講一個警隊裏面內鬥嘅故事,演員陣容都好勁。」至於究竟有幾勁,阿ben則大賣關子,咁大家要拭目而待啦!

黃智賢係當中係最多產嘅男演員。(林通賢攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。