【逆緣】陳家樂演冷凍人被封「香港隊長」 做黎耀祥姜大衛長輩

撰文:
最後更新日期:

黎耀祥、姜大衛、陳家樂、黎諾懿同林夏薇等今日出席劇集《逆緣》宣傳活動,為新劇造勢!家樂今次就飾演一個由40年代來到2018年的冷凍人,還要做埋兩大前輩姜大衛同黎耀祥的阿爸同阿爺添。隔了這麼多年再回TVB拍劇,家樂都覺得好新鮮,還說自己都想繼續拍劇,嘗試做古裝:「因為自己從來未試過剷頭同黏頭套,我真係想做下,同埋之前同John哥拍呢套劇嘅時候呢,佢成日同我講佢以前做大俠嗰啲威水嘢,叫我一生人點都要試下,所以潛移默化之下我都好想試下。」不過John哥就話家樂個樣就不是好似正路大俠,反而適合做番邦。

家樂要做埋兩大前輩的長輩,相信三人在劇中都有唔少火花(江智騫)

陳家樂話自己最想嘗試做古裝(江智騫攝)

話到家樂今次在宣傳片中被稱作「香港隊長」,他就笑言好大壓力:「香港隊長應該肩負起拯救香港的責任,咁我呢個角色真係保衛香港保衛家園嘅一個戰士嚟嘅,因為講1945年同日本人打仗,咁要驅逐日本人入侵,喺當時真係一個戰士,佢哋所謂一個香港隊長喇!」家樂還說劇中的角色剛剛去到現代社會,都一樣好憎日本人,好似林夏薇飾演的中日混血兒,家樂初頭就好排斥她,不過慢慢他都意識到現代世界是一個好和諧的社會,不同的國家同民族都可以share同一個空間。既然做得香港隊長,大家係咪都好期待家樂可以似美國隊長一樣除衫騷下肌肉呢?雖然家樂就話自己身型不夠大隻,不過都有場戲同黎耀祥一齊除衫,哇,連祥哥都有出賣色相,大家就拭目以待喇!

家樂在劇中扮演抗日戰士,被稱「美國隊長」坦言好大壓力(江智騫攝)

除了拍劇,家樂最近都有同方中信合作新戲,兩個人在同一間公司這麼久,今次先第一次合作,家樂都好興奮:「信哥真係好有型,因為佢唔講嘢呢,凈係喺鏡頭前邊,嗰啲眼神真係電死人,我諗我呢啲年紀嘅男仔都俾佢電到。」嘩,家樂,這樣說真是令人想入非非呀!不過大家不要誤會,家樂當正方中信是偶像啫,希望自己以後都可以好似對方咁charming呀!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。