【冒險王衛斯理】伍允龍談情戲自己度動作? 林家棟話佢唔守規矩

撰文:
最後更新日期:

以倪匡衛斯理系列為藍本嘅網劇《冒險王衛斯理》將於下月喺無綫翡翠台播出,除咗有余文樂飾演嘅衛斯理之外,好多經典角色都會喺劇集度亮相,就好似任達華飾演嘅白老大、林家棟飾演嘅支離人鄧石等等。提到華哥喺台上話自己好羨慕家棟、伍允龍(Philip)等可以同班索女有親熱戲,華哥受訪時就咁講:「我當年拍呢啲係要借位,要避嚟避去,所以搞到條腰受傷!佢哋兩個體育老師嚟,拍呢啲從來唔會避忌。」

華哥就話自己好羨慕家棟、伍允龍可以同一班索女演員有感情戲。(陳順禎攝)

家棟聽完之後就話:「其實係因為你當年用菲林拍戲,要一次過拍完,唔似依家咁,導演成日話嚟多Take,拍多幾個唔同角度。」之後,華哥又搞笑咁講:「因為Philip係體育老師,喺動作上特別要求高,就算係拍愛情戲都係咁,所以好多謝佢包容一班女同事。」問Philip拍愛情戲難唔難?佢就話自己真係好多嘢都唔識:「我問家棟哥點做好,但佢都話唔識,唯有自己度點做。」家棟即時搵位入:「哦!你自己度,我哋就跟規矩!」搞到Philip被玩到謝:「哎呀,講錯嘢!」勁搞笑。

出名打得嚟伍允龍喺訪問度勁畀位家棟入,又慘又搞笑。(陳順禎攝)

+13
+12
+11


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。