【早霸王】養貓有車仲娶埋老婆 森美:你擁有香港人最理想生活!

撰文:李妍樺
出版:更新:

每逢一到星期五這個日子,就知道係《早霸王》表白環節《你知道唔知道有人掛住你》的時候,好可惜今次打上嚟嘅聽眾唔係要表白,佢已經有老婆㗎喇,佢叫阿陳話要打嚟提醒老婆出門小心,住埋同一間屋親口講咪得囉,做咩要特登打上電台呢,森美聽完都覺得奇奇怪怪:「你平時有冇講開㗎?冇我我會擔心喎,你呢種係過份開心嘅表現,好似因為老婆走你甩難咁,Plan好去偷情,如果我係你老婆就唔會走喇!」

【早霸王】家姐細妹電台罵戰 森美直播都叫唔停

【早霸王】女友嗌分手挽留失敗 森美一語中的: 要知自己錯咩!

有冇搞錯,今次打上嚟嘅竟然又唔係表白嘅!(網上圖片)

阿陳就話:「我地啱啱結婚一周年都冇慶祝,今次打電嚟一次過補祝返,佢同佢老細遲啲去澳洲一個禮拜多啲,我哋呢一年好忙,都冇時間慶祝。我哋養左五隻貓,因為本身開頭養貓係因為屋企人走咗,想搵個伴陪我,開頭我有隻女仔,之後再買咗隻男仔,但隻男仔幾個月大就早熟,生咗3次總共十幾隻。」阿陳仲話老婆本身都冇養開小動物,依家一次過養5隻都好吃力,但最大問題原來唔止係湊貓,仲有一個比買樓上車更難嘅問題,就係生小朋友。

阿陳解釋道:「我同佢中間最大問題係仲未打算生小朋友,但我外家都畀咗好多壓力我哋,我哋都想生,但係環境唔夠Stabble。我老婆係我3奶嚟,我大婆係我私家車同電單車。」香港地養車都好貴喎,阿陳就話自己都係平玩,車係日產細車BB,電單車都係普通綿羊仔,係佢興趣嚟,森美都同意生仔責任重大好多,李麗珊都講過生仔要四百萬,所以都理解點解阿陳同老婆會猶豫。

養5隻貓究竟係享受定吃力呢?(網上圖片)
+6

壓力來源唔止係經濟或者係心態上,最大嘅壓力係外母嘅期待:「有細路仔係會有壓力,佢屋企已經成日畀壓力佢,佢係大囡,外母係家庭主婦,佢覺得結咗婚要畀個孫我湊吓。」咁生仔呢啲嘢真係急唔嚟,平時香港人生活節奏已經好急,估唔到生仔都要快,不過森美就安慰阿陳:「你依家擁有嘅已經係香港人最理想嘅生活,有車有貓又有老婆。」做人唔好畀自己太大壓力,學識珍惜自己已擁有嘅已經好足夠。