【逆緣】姜大衛堅持拍戲到死為止:唔做嘢我會變「廢老」

撰文:
最後更新日期:

《逆緣》中姜大衛(John哥)飾演任職的士司機的「賀和年」(紅綠燈)為人「蠱惑」又「孤寒」。劇集播出後,不少網友都認為姜大衛演繹「廢老」簡直是入木三分,又謂家中的「廢老」甚有「賀和平」的影子。

睇真啲賀公子真係幾型。(劇照)

今日(4月13日)姜大衛出席劇集宣傳活動時,接受《香港01》訪問。他表示「賀公子」角色能如此受歡迎,都是歸功於劇本寫得好。「其實我冇參考,只不過劇本寫出嚟,我就盡量做到個貪小便宜,做都要乞人憎,但係又要做到唔會睇完鬧佢。即係要乞人憎得嚟又可愛。」

姜大衛份人同賀和年應該完全唔一樣。(江智騫攝)

姜大衛從影差不多50年,當然對角色演繹手到拿來。原來姜大衛收到劇本之後,也會對演出做調整。「對白方面都會加加減減,因為鬧個仔,亦唔可以太過份。雖然鬧佢,但係心底裏其實係愛個仔,個仔又係愛老豆。呢樣嘢又係大家臨場嘅時候『加加減減』。」

姜大衛話自己唔會退休,真係敬業。(江智騫攝)

問到姜大衛是否覺得自己與劇中「廢老」賀和年有相似之處。他說:「我都拍左咁多電影電視,其實我做到宜家都仲可以做。如果我唔做嘅話,可能會變『廢老』。如果冇嘢做嘅話,我自己都覺得自己係『廢老』。(會做到幾時先退休?)(姜大衛用手指向上)做到上天囉,做到冇人睇我為止。如果我冇人睇,TVB都唔會再簽我啦。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。