鍾嘉欣唔怕痛準備生第二胎：神創造女人就係要生BB
撰文：賴家杰
出版：更新：
靚爆人妻鍾嘉欣久未露面，今日回港出席品牌活動，而佢早前就喺網上宣布再度懷孕消息，嘉欣透露今次回港見到一班朋友好開心：「其實香港好多人都好錫我，都好照顧我，所以自己喺加拿大嘅時候都好掛住香港，所以好想同大家分享我嘅喜悅，第一胎個時候好緊張，到今次第二胎知道自己發生咩事，所以就想飛番嚟同大家見面，因為下次唔知會幾時再同大家會見到面。」，粉絲聽到呢真喺要等下嘉欣啦，希望下次嘉欣番嚟香港會帶埋兩個小朋友一齊同大家見面啦。
嘉欣現場都分享回港工作好開心，因為可以見到大家。（陳順禎攝）
好多父母生第二胎嘅時候都會教導自己小朋友就快做哥哥或姐姐呢件事情，因為會怕自己小朋友妒忌，嘉欣話佢都唔例外，身邊好多朋友都咁同佢講，嘉欣講到：「我就冇特別咁諗，但我都會話比佢聽呢件事，咁都同Kelly講摸下我個肚，裡面有BB，到而家都開始知道呢件事，特登買個適合佢手型抱嘅BB公仔比佢抱，我覺得佢會成為一個好好嘅家姐，因為佢好似好懂事。」，至於老公方面，嘉欣就話佢當然好開心啦。
嘉欣講到今次番去加拿大好好養胎，下次番嚟都唔知幾時。（陳順禎）
問到嘉欣至於今次生第二胎嚟講會唔會都仲會怕痛，嘉欣直言：「咁又唔會怕痛，可能自己有信仰關係啦，神創造女人就係要生BB，咁點會唔痛呢，唔係又點會有一個咁可愛嘅BB呢？」，聽到呢到記者就表示嘉欣係一個好偉大嘅媽媽，而嘉欣就覺得自己只係一個普通媽媽。
至於嘉欣訪問當中都有分享到做媽媽嘅經驗同轉變，想再睇嘉欣講咩就Click落去睇片啦。
+6