連詩雅早前於意大利岀席泳裝fashion show，近日先回香港，Shiga講到今次雖然只係三日兩夜嘅行程，但睇到嘅事情都好難忘，Shiga笑說：「其實好辛苦，但成功感好大，真係冇得瞓，冇時間瞓就會越興奮，唔係講到要作賤自己，不過要趁住後生，雖然都唔係好後生，但仲可以有心有力就做多少少事囉。」

人在意大利時Sigha會否有艷遇發生呢？Sigha就話：「我覺得意大利人不論男女，佢地都好熱情，比較多身體語言，佢地會撫摸塊面咁樣呀，好多啱啱識已經會Kiss，錫面咁樣。」對於近日Sigha20年前做童星嘅影片比人回帶，網上好多網民都大感驚訝，表示完全認唔到係Sigha，原來Sigha都有留意：「完全估唔到會比人再拎番出嚟講，因為都20年前，都好多回憶，至於大家唔認得我就因為女大十八變嘛，我諗大家其實係讚緊我。」