謝天華暗示老婆今次會生女? 「係一個『好』字都好」

撰文:
最後更新日期:

謝天華想陪兒子睇馬戲團表演。(梁碧玲)

謝天華帶同老婆及兒子一齊去觀賞馬戲表演,天華透露因為自己工作忙,所以極少機會可以享家庭樂,天華表示:「好快就要飛泰國拍一套網劇,之後都要忙到6至7月,同埋都想囝囝第一次比我,因為佢係第一次睇馬戲。」

天華夫婦一直都好鍾意小朋友,早前天華更宣布家中再添一名成員,屋企會更加熱鬧。問到有冇同囝囝講將會做大哥,天華就話:「已經同咗天天講做哥哥好唔好?佢諗一諗就點頭,我安樂哂,我唔當佢識聽,但我當佢明啦,佢肯做哥哥我都好安慰。」

但對於第二胎係生仔家生女,天華就表示今次老婆保密功夫好好,他笑說:「其實係《孖》字又好,係一個《好》字都好,自己都冇所謂,但拍戲嘅時候朋友有講過一個方法,自己都驗證過,好似又真係。」唔通天華暗示緊今胎係女兒?

謝天華一家三口出席馬戲團表演活動。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。