後生仔唔知《陪著你走》原唱者係邊個 以為係王浩信同盧海鵬
撰文：冼燕珊
出版：更新：
好多經典好歌都一再被翻唱，大家有時甚至會遺忘原唱者，以為翻唱嗰個先係原唱。ViuTV節目《歌度有榜》進行街訪，挑戰市民是否知道那些歌曲嘅原唱者係邊個，可能所揀嘅歌都比較舊，結果大部份年輕一輩都答錯！
ViuTV節目《歌度有榜》進行街訪，挑戰市民是否知道那些歌曲嘅原唱者係邊個，最多人唔知嘅係《陪著你走》。（影片截圖）
學生妹直頭唔知盧冠廷係邊個。（影片截圖）
+1
節目挑選咗5首金曲，包括：《梨渦淺笑》、《舊歡如夢》、《傾城》、《眼睛想旅行》及近期熱播的《陪著你走》。其中《陪著你走》係最多人唔識原唱者就係盧冠廷，有人以為係王浩信或者譚嘉儀，甚至有人以為係盧海鵬，只有幾個上咗年紀嘅受訪者，先知道原唱係盧冠廷。合理懷疑佢哋其實唔知王浩信同譚嘉儀前排翻唱呢首歌。
終於有人答啱，但都係年長一輩先知。（影片截圖）
不過莫講話一般後生仔唔知《陪著你走》嘅原唱者係邊個，就連翻唱者王浩信都唔知，佢於《2017年度勁歌金曲頒獎典禮》上同譚嘉儀獲頒「最佳合唱歌曲」金獎，令到佢相當尷尬，仲喺台上一時失策，爆響口話突然唔記得邊個係原唱者，尷尬程度爆燈！
其實連王浩信都唔係好記得邊個係原唱。（視覺中國）