趙永洪再做「些粉」幫陳嘉倩搵狗：女神讚我係全港最型嘅的士司機

劇集《降魔的》去年熱播，劇中主角配角全部人氣都直線上升，當中趙永洪憑「些粉」一角演技廣受認同，仲正式跳入大銀幕，加入蕭定一公司HMV。一嚟就有個好開始，趙永洪再以的士司機形象現身人前，孖住前新聞主播陳嘉倩合作拍攝廣告。

趙永洪做的士司機實在係深入民心。

廣告中，Raymond再做的士司機「些粉」上身，陳嘉倩走失心愛小狗急call的士尋狗，充滿正義感嘅「些粉」知道女神慘況後，揸住的士四處尋狗。結果最終當然係大團圓結局。本來以為故事告一段落，豈料陳嘉倩之後再call車時，又call中「些粉」的士，極之有緣。

借狗仔追女仔，橋唔怕舊至緊要受。

談到今次拍攝，趙永洪表示：「之前喺《降魔的》飾演的士司機，今次現實中又係做的士司機，梗係冇難度，簡直係駕輕就熟，的士司機呢個角色已經入晒血，一跳上的士就入型入格，連女神陳嘉倩都忍唔住要集我郵，仲出post讚我係全港最型嘅的士司機。」

女神陳嘉倩俾人集郵就試得多，遇上「些粉」忍唔住主動出擊要求集郵，上網放閃。