阮兆祥擦靚招牌靠自力 為興趣留效TVB:一做就要做到最好

撰文:
最後更新日期:

沒有「祥在你左右」又如何,錢一樣是長搵長有,但對現階段的阮兆祥來說,最希望是做好阮兆祥這個招牌。

年初因新劇《平安谷之詭谷傳說》出街,加上舊作重播,導致星期一至日都「祥在你左右」,但三個月後,阮兆祥卻在無綫「消失」得無影無蹤,這天他完成了人生首次的舞台劇演出後,接受訪問時提到連月來除了電台工作外,基本上就是排練舞台劇,接下來又要準備《福祿壽十周年演唱會》的海外演出……聽落都應該賺唔少,阮兆祥未有否認之餘,更笑言「我話你聽,我爭一億就夠十億,我都唔知做嚟仲乜。」

說畢連他自己也忍不住笑了:「我依家唔係百分百為錢,始終我哋有啲年資、又有個招牌,所以一定要揀自己有興趣做,同埋一做就要做到最好,因為阮兆祥本身已經係一個品牌,有邊個會幫佢擦亮?咪就係阮兆祥自己。」單看他在《福祿壽十周年演唱會》為由頭跳到落尾而減去25磅,再加上處男舞台劇《秘密》而閉關,就知他有多重視阮兆祥這個品牌。

由劇集做到舞台劇,阮兆祥雖然唔敢擔保,但他認為《溏心》組合仲可以有啲嘢。

舞台劇《秘密》由《溏心風暴3》的原班演員李司棋、夏雨、米雪、關菊英、阮兆祥演出,雖然早已合作多年有晒默契,但阮兆祥亦指出今次排練時有不少火藥味。「有啲位可能佢覺得係咁,其他人又覺得唔應該係咁,所以都有火,幸好大家都對事唔對人,亦好佩服一班咁資深嘅演員,可以由早排到晚。」

阮兆祥同關菊英都係首次做舞台劇,但完全沒有怯,祥仔更大讚菊姐將劇本背到一字不漏。

由於《秘密》是一個全新創作故事,所以起初大家都很擔心會有冷場,尤其是上半埸大部分時間都在交代背景,但結果係觀眾笑聲無間斷,令台上演員更放心去做。「我覺得自己好似評馬人咁,估到大家邊個位會笑,感足滿好大,因為平時大家笑或者喊我都唔會知,但依家係實時接收,所以好感恩有呢個班底,雖然我做演員會或棟篤笑都有掌聲同笑聲,但今次更加team work。」

「夏生完全係活寶貝,雖然創造好多嘢(爆肚),但佢又會比到個尾句你接返。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。