【復仇者聯盟3】美國隊長唔續拍Marvel片　柏豪接捧做超級英雄？

最近，Marvel超級英雄片《復仇者聯盟3：無限之戰》嘅上映掀起全城熱潮，上映過咗成個禮拜都仲有好多人討論緊，其中就有唔少人好天馬行空咁討論，如果拍齣「港版復仇者」，咩藝人會做咩角色咁。我諗周柏豪就好適合做美國隊長喇，點解？因為最近韓國嗰方面就搵咗佢拍一個「辦公室復仇者」廣告，裡面仲係做美國隊長添！

故事就係講周柏豪同一班同事準備收工時，老細就話臨出公司門口前要交Proposal，期間仲兜嘢掟啲紙落周柏豪度，周柏豪就拎起垃圾筒蓋當盾扮美國隊長擋哂啲攻擊，加上「Iron Man」、「黑寡婦」同「Hulk」嘅助攻，一班人最後都準時收工。

港版廣告：

雖然個劇情係膠咗少少，但勝在拍得周柏豪好型，真係有幾分美國隊長嘅影子。其實扮Iron Man嘅韓星尹鈞相都幾有型，之前佢喺劇集《逆賊：偷百姓的盜賊》同《疑問的一勝》中嘅演出都備受讚賞，而其實佢上年都已經同袁偉豪拍過同系列嘅廣告，兩人就不停晒美國隊長同Iron Man嘅周邊產品。