為撐好姐妹梁詠琪專誠返港　楊采妮睇完騷再撐開幕：同佢地唔講錢

自從2017年3月誕下孖仔Ignatius＆Aloysius後，楊采妮已經極少曝光，呢日佢專誠返到香港，先去欣賞好姐妹GIGI梁詠琪紅館演唱會，再出席GIGI丈夫Sergio獨家代理童裝品牌嘅新店開幕活動。原來Gigi生咗囡囡Sofia之後，認識到西班牙品牌時裝，送咗唔少俾閨蜜們嘅小朋友，所以Charlie都笑言呢次出席活動，同佢地真係唔使講錢。

之前有Blogger驗出好幾個童裝品牌有螢光反應，令媽媽界人心惶惶，作為兩子之母，Chaelie都有分享買BB衫心得：「選購衣服給小孩，我最著重是選擇質料，因為衣服質料是最貼近寶貝身體的東西， 所以必需安全才會放心，其次才是挑選款式！Sergio代理呢個品牌有品質保證，款式又優雅華麗， 更不失小孩子的『真善美』，絕對是我的心水之選！」Charlie又分享如何為一對愛兒揀選童裝的心得 令孖仔服飾既合襯又可彰顯其不同性格特質。