劉玉翠感謝毛俊輝嚴厲鞭策：佢話過我破壞劇場氣氛

劉玉翠喺奇妙電視節目《拾回感動》發掘一個個香港好人好事，喺最新一集裡面，佢就到翠到訪醫院復原中心，與精神健康復元人士合作繪畫，體會藝術帶來嘅安慰力量。雖然劉玉翠自嘲冇藝術天分，但完成的作品令人滿意：「其實我都好耐冇畫畫，唔識畫架！」訪問「藝術在醫院」的總監鄭嬋琦時，劉玉翠就得知對方曾經歷換腎手術，而聽完對方成個經歷，都眼泛淚光：「佢老公捐腎畀佢，我覺得好感動，難得人海茫茫揾到一個人咁投緣。」

之後，劉玉翠亦喺節目中點名感謝香港話劇團知名導演毛俊輝，佢好感謝對方擔任演藝學院表演系主任時，非常用心栽培。當年，劉玉翠經過三輪面試成功考進演藝學院後，受到毛Sir嚴厲的鞭策：「我做過一個佢導嘅戲，係做一個無對白嘅小角色，但我做完佢企係化妝間門外，問我幾次想唔想做戲，話我破壞咗佢之前幾場建立嘅氣氛。」呢句說話令劉玉翠永遠都記得，而佢亦話雖然毛Sir教學嚴厲，但能理解佢嘅用心。