【C9特工】黎諾懿苦等十年終合作 馬明:其實我驚無得撈

撰文:
最後更新日期:

無綫新劇《C9特工》昨日(5月15日)舉行造型發佈會,男主角馬國明穿上背心、掛上圍裙,一看就覺是《國產凌凌漆》豬肉佬,但原來他不斬豬肉,只賣菜。相對,另一男主角黎諾懿則官仔骨骨相當有型地扮演一個特工,難怪馬國明有意見:「你睇黎諾懿一身造型就知公司將最靚最有型嗰啲俾晒佢著,我呢啲就著最便宜戲服,我一拍埋去就輸啦。」

馬明眼紅黎諾懿的戲服夠型,黎諾懿又羨慕馬明與高Ling有親熱戲,打和。(陳順禎攝)

繼《甜言蜜語》(2008年拍畢)後,黎諾懿與馬國明終於再有機會合作。對此,前者坦言期待了很久:「今次真係好開心,對上一部劇同馬明合作已經事隔10年,今次接呢部劇最大原因真係馬國明,因為我真係想同佢開工好耐,但一直都無咁嘅機會。雖然話大家同一間公司,但真係要遇見嘅話都要等10年。」

黎諾懿說得如此情深意真,但馬國明竟然選擇對黎諾懿避之則吉:「其實我係有避你嘅,因為我驚咗你神一般的男人,又驚搞到自己無得撈。(你都傻傻地,咪聽佢亂講。)」

二人除了在《C9特工》合作外,黎諾懿還希望可以在《降魔的2》繼續合作:「我會向《降魔的2》監製伸請呀,我真係好想做馬國明隻精靈。(你要問下胡鴻鈞得唔得喎,唔係佢到時無得撈。)有一對精靈都得架啫,而且我要射箭。」黎諾懿要射箭,豈不搶了胡鴻鈞的武器?那他還有什麼可以射?「佢上次佢射咗箭,唔好成日射箭啦,好多嘢可以射架,今次射第二啲嘢,留返啲箭俾我射。」

+5
+5
+5

提到高海寧孭飛做女主角,兩位會否傍實兼教路,馬國明說:「咁又唔使,因為之前拍《賭城》時見到佢都進步咗好多、好穩陣,所以而家公司先會開戲俾佢做女主角。」黎諾懿補充:「佢都唔係第一部做女主角啦,所以大家唔使驚唔使擔心。」

就算不擔心高Ling的演技,也擔心她會否吃虧,真關二人都爭著向監製伸請更多親熱戲,說笑般道:「伸請緊。(我一睇劇本就見到馬國明頭兩集已經有喇!)係咩?(講述我偷睇佢哋嘅時候,佢哋喺度親熱緊搞到我好嬲。已經有床戲喇,豈有此理!咁就俾馬明先一步,但唔緊要,我希望劇情後續可以追趕到進度。)你啲親熱戲可能喺後段好多flashback。(咦,ok喎,我會同監製傾下呢個問題。)」

【C9特工】高海寧嫁賣菜佬馬國明 封胸唔性感:而家啲師奶好靚㗎

【C9特工】高海寧擔任新劇女一 拍住民間視帝做特工



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。