【深宮計】周秀娜被無綫封殺宣傳冇影 連官方Trailer都無份出鏡
撰文：張嘉敏
出版：更新：
日前(16日)嘅記者會台上塊佈景板完全無Chrissie個樣。
無綫重頭劇《宮心計2深宮計》將於下周一播映，昨日舉行記者會宣傳，劇中一眾主要演員均有出席，不過卻不見女主角之一的周秀娜 (Chrissie) 縱影，就連當日台上的佈景板上都無她的樣，甚至連官方的Trailer她都完全無份出鏡。有傳首次為TVB拍劇的Chrissie已經遭到封殺，不過就唔關她本身事，而是因她所屬的蕭定一公司最近與TVB有官司糾紛。Chrissie是繼同公司的張繼聰因這些糾紛被大台「消失」後，第二位被消失的藝人。另外，陳慧珊早前亦因為於ViuTV拍節目而遭TVB封殺，已拍好的劇集《波士早晨》戲份被大幅刪減，宣傳海報亦由大頭相變小頭相，甚至無影。
Chrissie係劇中女主角之一。
據悉，Chrissie在《深宮計》中的戲份亦難逃被刪減的命運，至於群戲則可以倖免被刪。而她的經理人公司GME發言人接受電話訪問時就表示：「尋日Chrissie本身有另一個活動要出席，同套劇個宣傳活動撞咗期去唔到，不過其實TVB方面都有通知我哋，話嚟緊有關套劇嘅所有活動Chrissie亦唔需要出席，因為始終兩間公司仍然有官司，會比較敏感。」而該劇的總監梅小青就聲稱沒有刪減Chrissie的戲份，大家合作愉快，其他方面則要交由公司去講。此消息一出即有網民開post討論，有人話會因為沒有Chrissie而罷睇，亦有人覺得只不過是宣傳技倆。
之前啲宣傳海報都有Chrissie個樣。
【宮心計2深宮計】梅小青強調無刪減周秀娜戲份：一句都無cut過
唔知呢場出浴戲會唔會被刪走。
+2