【兩棲發展?】衛詩想拍驚慄電影:但唔係鬼片!

撰文:
最後更新日期:

衛詩最近一直同朋友在籌備音樂上嘅計劃,想盡早推出新歌畀大家聽到新作品,但衛詩除咗音樂上有新發展之外更希望踏進電影圈拍戲:「可以嘅話我想嘗試演戲,自己特別鍾意動作電影及驚慄電影,但唔係鬼片,係個啲情境驚險,即係同心理有關。」最近佢家姐衛蘭聲帶唔舒服,作為細妹嘅衛詩當然緊張:「佢宜家擔心緊,因為佢嚟緊有個Show,要唱好多歌,佢都想畀最好表現大家睇,所以佢都要去醫生。」

衛詩最近忙於錄製新歌。(陳順禎攝)

兩姐妹至今都仲係單身,身邊唔少朋友都催促佢哋兩個快啲拍拖,但畀最大壓力佢哋嘅其實係阿媽:「要搵到一個啱嘅對象先,最近真係冇人追我,反而媽媽實在仲急過我,但我想搵一個好好對象,要順其自然,我都想媽媽開心,希望盡快遇到。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。