女神朱千雪工作經驗豐富 連派報紙都做過?

撰文:
最後更新日期:
近年專注讀書嘅朱千雪,今日(17日)露面出席珠寶活動,而她身上的珠寶價值更超過八千萬,相信千雪都感受到好大壓力,千雪話:「我覺得今日自己價值都增高咗,平常台慶先會帶咁靚嘅珠寶,都唔敢太大動作,驚唔見或跌咗,到時想賠都賠唔到,因為每一粒都獨一無二。」
朱千雪戴上過千萬珠寶,表示相當有壓力。(吳子生攝)
眾所周知朱千雪有一個好穩定嘅男朋友,唔知千雪收過最貴嘅珠寶會唔會係男友送呢?千雪:「其實未收過男朋友送嘅珠寶,而我覺得送珠寶係一件好有意義嘅事,如果佢有呢份心,我又唔介意收呀。」
千雪表示如果男朋友送珠寶當禮物完全唔介意接收。(吳子生攝)
千雪除咗忙於讀書之外,其實千雪工作經驗都好豐富,千雪話:「我第一份工係做收銀,個時候我係16歲,係一個同學屋企人開,所以個時候CV先有嘢寫,之後再搵第二份,第三份,我喺加拿大咁多年其實做過好多份工,沖咖啡、派報紙同客戶服務中心等,全部都做過,其實係好嘅,都認識做好多事。」唔好再當千雪bb係公主乜都唔使做啦 !
千雪工作經驗都十分豐富。(吳子生攝)


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。