龔慈恩囡囡林愷鈴18歲變女神 自稱唔難相處:同學都知我平易近人

撰文:
最後更新日期:

Ashley將來以媽媽(龔慈恩)為目標對象。(吳子生攝)

星二代龔慈恩囡囡林愷鈴(Ashley)日前(18日)現身品牌派對,作為星二代,Ashley其實好多品牌搶住邀請佢出席,Ashley話:「我覺得非常幸福,可以經常出席呢類型活動,都好多謝媽媽(龔慈恩),佢好開放願意畀我好多嘗試。」

今年18歲的Ashley要兼顧學業,會唔會令到佢好大壓力?Ashley稱:「其實我都係以讀書為主,我希望將來各方面都好似我媽媽一樣咁敬業。」,雖然佢自己就話想以讀書為主,但Ashley18年華實會有好多男性追求,趁青春拍下拖都好合理,Ashely就話:「我覺得拍拖好講命運,我又覺得裝備好自己唔係一種浪費時間,(咁現時係單身?)我暫時都以學業為主。」

Ashley甜美嘅樣貌令佢榮升為新一代女神,但亦易令人誤會佢係一個難以接近嘅人?Ashley直言:「其實認識我...我身邊嘅同學都知道我平易近人,更加知道我份人奇怪,即係我都好多朋友囉,唔會...係囉。」

Ashley雖然榮升為新一代女神,但佢都透露自己份人好奇怪。(吳子生攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。