鄺潔楹自覺仙氣兩字難捉摸:大家都係叫番我做Judy

撰文:
最後更新日期:

仙氣女神鄺潔楹加入《學事學非》大家庭,今日(21日)就於戶外拍攝新一季節目,近日室外溫度長期高達32度以上,Judy拍外景會否有中暑感覺呢?Judy就話:「自己都係一個好鍾意同陽光玩遊戲嘅人嚟,其實都唔怕太熱。」Judy還透露早前佢飛去關島拍攝《三日兩夜》,所以皮膚已黑了很多。

仙氣女神鄺潔楹最近都加入咗《學事學非》呢一個大家庭。(吳子生攝)

《三日兩夜》飛得去關島拍攝,除咗會有水著場面之外,最令Judy難忘一定在當地揸開蓬車同跳降落傘,Judy都自稱係「女車神」,挑戰跳降落傘時更加喊出嚟:「自己喺機上面嘅情緒好激動,仲問教練可唔可以喊,因為個境實在太靚啦,通常我以為人地都係驚到喊,但我覺得個境係前所未有見過,係靚到喊。」

早前Judy飛到關島拍攝《三日兩夜》,更在當地跳降落傘。(吳子生攝)

Judy榮升新晉女神後工作接踵而來,不過佢聽到女神呢個字眼就立即否認:「其實我覺得自己唔係女神,我言行舉止都唔似一個女神,但覺得最好笑嘅係多咗會人叫我仙氣,因為我覺得仙氣呢件事係好難捉摸,有一次坐車嗰司機問我係咪叫Judy,佢直接講妳咪係仙氣?跟住嗰一下我唔好意思,不如大家都係叫番我做Judy會比較好。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。