李佳芯唔記得戶口密碼:我係大事精明小事失魂

撰文:
最後更新日期:

李佳芯 (Ali) 個樣咁精靈,原來都有大頭蝦的時候,她日前就於Instagram出post話自己忘記了銀行提款卡密碼,Ali留言表示:「早陣子,有天我突然忘記了提款卡密碼,直到現在還未記起……#用了十多年卻忽然忘記。」Ali今日出席TVB Amazing Summer記者會時,被問到記起提款卡密碼未,她說:「仲未記起呀,好多謝大家咁關心我,我都估唔到會突然之間唔記得咗個密碼,空白咗,可能係我近排太努力背劇本,太努力工作喇,搞到唔記得咗其他嘢。」

Ali仲未記得返個密碼。(吳子生攝)

Ali話其實已經唔記得咗個密碼成兩個星期,而呢個密碼並非自訂密碼,她說:「我一向係用銀行寄嚟嘅密碼,唔會自訂,用咗十幾年,無寫低個密碼,因為無諗過會唔記得㗎嘛,成日都㩒,覺得6個數字點會唔記得?」雖然Ali仍未記起,但她不打算到銀行重設密碼,她表示:「要重設好容易,不過我又硬頸,覺得自己有日實會記得嘅,大家祝福我快啲記起啦。(咁咪無得提款囉?)我仲有其他銀行卡,好彩,新呢個銀行卡密碼我唔會再唔記得。」

今日無綫舉辦Amazing Summer記者會,有70位演員到場。

Ali笑言會繼續堅持下去:「我好有信心會記得返,會堅持到直至我無錢用,呢個唔係出糧戶口嚟,係流動戶口,都有舊錢喺入面㗎,暫時當儲畜住先。我諗我需要放下假休息一下,相信應該會記得返個密碼。」她又謂其實自己幾大頭蝦:「我係屬於大事精明,小事失魂嗰隻,我試過唔止一次整唔見或者跌咗銀包、身份證、鎖匙等等,就連行路都會仆親。」

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。