【2018世界盃】TVB傳「禁波令」溝淡世界盃 陳凱琳:未聽過!

撰文:
最後更新日期:

國際足球盛事世界盃將於明晚開鑼,舉行揭幕戰,今年香港區由 nowTV 及 ViuTV 取得播放權,一場都無得播嘅無綫,今年不僅提早啟動「Amazing Summer」迎戰,有傳 TVB 內部發出「禁波令」,幫人免費宣傳及淡化足球熱潮,全面禁止在節目及活動上出現足球,連宣傳活動都唔准玩有關足球嘅遊戲。

傳 TVB 內部發出「禁波令」,全面禁止節目同活動上出現足球。(資料圖片)

近日有傳TVB 發出內部通告,禁止全台節目及活動出現任何與足球有關的畫面,免得「長他人志氣」。而自有相關「禁波令」推出後,據說有幾位藝員亦馬上跟隨公司「指引」,紛紛話無興趣睇世界盃。其實在傳出「禁波令」之前,TVB藝員陳凱琳(Grace)、李佳芯(Ali)、吳岱融、劉穎鏇(Tiffany)等,都出席過與足球有關的活動,Grace同Ali 接受《香港01》訪問,都表示沒有聽過有關「禁波令」的通告,問到Grace會不會睇世界盃,她回應說:「會呀,聽日會睇揭幕戰。」而 Ali 則表示始終世界盃是四年一度的盛事,點都會支持嘅。

陳凱琳說會睇明天的揭幕戰。(資料圖片)

李佳芯和陳凱琳都說沒有聽過「禁波令」通告。

+2

TVB自2012年起,於每年的6月底至7月初以「Amazing Summer」名義推出一系列特備節目,今年安排提早至明日(6月14日)啟動,擺明硬撼世界盃。不過睇返今年「Amazing Summer」的節目安排,似乎真係爭啲睇頭。劇集方面有《天命》、《婚姻合伙人》、《再創世紀》、《堅離地愛堅離地》、《十二傳說》,以上幾套劇都暫時欠缺話題性;而節目方面則有《Ben Sir睇樓團2》、《森美旅行團2》、《周遊台北》、《街市遊樂團星馬篇》、《美女廚房2018》、《學是學非》、《群星拱照Big Big Channel一周年慶典》,以及《2018香港小姐競選決賽》,全部節目內容都可以話係換湯唔換藥,無限翻炒。加上「限奶令」仍未解除,所以 TVB 姐仔們連少少性感的下水禮都沒有,呢場「硬仗」真係有啲危危乎。

TVB 安排「Amazing Summer」硬撼世界盃,不過無論劇集還是節目都欠缺睇頭。(資料圖片)

「Amazing Summer」誕生於2012年,當年香港有線取得了同年倫敦奧運的香港播映權,TVB 安排「Amazing Summer」,安排製作內容更豐富的節目以在翡翠台較晚的黃金時段播放,應對這場奧運收視大戰。不過後來經過磋商,TVB最終還是獲得在香港免費電視頻道播放倫敦奧運的權利,但Amazing Summer作為每年暑假的特別活動卻被保存了下來。

【2018世界盃】陳凱琳與男友鄭嘉穎打對台 佢地支持嘅係?

【世界盃】李佳芯貼比利時攞冠軍:以前撐英格蘭

【獨家】TVB無限翻炒!Amazing Summer排陣無視世界盃

TVB 「限奶令」依然生效,唯有睇住美腿先。(資料圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。