胡定欣呻忙想放假「食盡」北海道︰我係為食嘢而keep fit!

撰文:
最後更新日期:

今日(13日)胡定欣出席食店開張活動時大呻工作忙碌:「我嘅廚藝都休息咗一段時間,呢半年主要係拍《包青天》,差唔多日日都喺公司食飯,所以我都好期待忙完之後可以去番個旅行,食番啲好嘢。」

胡定欣記恨豹哥抱怨佢煲湯難飲,笑罵豹哥:「唔識欣賞!」(陳順禎攝)

講起煮嘢食,《胡說八道》六位姐妹邊位最勁?胡定欣就話:「我自己煮嘢唔算叻,多數都係煲下湯,啲姐妹個個叻過我,佢哋煮嘢食好多花樣,尤其係豹嫂,佢係上海人,擅長煮中式嘢,其他姐妹就整意大利麵同甜品多。」

胡定欣鍾意食日本嘢,直言想放假同媽咪去北海道旅行。(陳順禎攝)

定欣成日話要食好嘢,咁到底佢計劃去邊度旅行?佢就答:「對上一次同媽咪去咗東京丶京都旅行,加上我鍾意食日本嘢,所以應該會一齊去埋北海道旅行。」食咁多又怕唔怕身材走樣?定欣就話唔怕:「我個人最近都瘦咗,但都唔係話要食得好清淡,只要有keep住做運動,我唔使節食都可以保持身型,我就係為咗食嘢而keep fit 嘅!」

胡定欣表示自己唔使節食都可以keep fit, 各位女士係咪好羨慕?(陳順禎攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。