【深宮計】劉心悠冊封做公主被許配番邦 蕭正楠點算好?

撰文:
最後更新日期:

劉心悠被冊封為玲瓏公主後,似乎係另一個風波的開始。

無綫熱播的《宮心計2深宮計》,最新一集講到周秀娜入宮之後,雖然在陳煒的協助下扶搖直上,但仍然遭胡定欣處處阻攔,而馬浚偉亦對周秀娜保持無視。另一邊廂,周秀娜同劉心悠漸漸成為好朋友,並且合力對抗行刺呂珊嘅宮女。不過,在行刺一事上面,胡定欣一口咬定宮女係周秀娜嘅近身,所以要撤查真相以正視聽,並下令即時封宮。就喺陳煒同胡定欣周旋之際,劉心悠竟然出面表示能為周秀娜的清白作證。

呂珊被行刺,胡定欣一口咬定係同周秀娜有關,但有陳煒撐腰、加上劉心悠作證,一個華麗轉身就無事。

雖然事情就咁告一段落,但胡定欣隨即提議太上皇將劉心悠收為契女,並冊封為玲瓏公主,以為佢咁好死?其實之不過想將劉心悠同周秀娜分開,以便日後更易踢走周秀娜,所以胡定欣在契女的提議上,再追加多一條「許配比突厥」的建議……對於被許配一事毫不知情的劉心悠,以為做公主後,能更輕易搵到姐姐而感到開心……

蕭正楠同劉心悠私定終生。

對於劉心悠為保護呂珊而受傷一事,蕭正楠大感心痛,但亦同時令二人更著緊對方,一句「未你批准,我一定唔會死得比你早」一句「我都應承唔會離開你」從此私訂終生,但隨著劉心悠由宮女升呢做公主,令二人感情出現暗湧。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。