衛蘭避世去泰國嘆世界 崇尚天然護膚唔使做facial

撰文:
最後更新日期:

護膚係女人既終身事業,每個女人都總要有一招兩式傍下身,衛蘭今日出席活動嘅時候反而分享自己「無招勝有招」既護膚秘技:「我好少做facial,平時都係飲多啲水,得閒曬太陽,最多都係戒口食清啲。」

Janice話自己我好少做facial,護膚全靠健康生活。(黃國立攝)

Janice咁崇尚自然,一有空餘時間自然唔會放過陽光與海灘,所以佢前排放假都特登走咗去泰國蘇梅島渡咗一個禮拜假:「嗰度生活好簡單,一有時間就想對住個海,我真係好鐘意。」問到泰國有咩好食,Janice就答:「我最鐘意Pad Thai 同芒果糯米飯,係當地出名既美食。」

Janice話自己去咗泰國蘇梅島渡咗一個禮拜假,盡情享受陽光海灘與美食。(黃國立攝)

不過放完假翻到黎就要專心工作啦,Janice依家就準備緊嚟緊七月同陳柏宇嘅crossover 演唱會,各位歌迷密切留意啦。

Janice最近準備緊同陳柏宇嘅crossover 演唱會,各位歌迷密切留意啦。(黃國立攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。