【有片】唐詩詠想置業 睇樓一年仍未上車:我太穩陣唔想有壓力!

撰文:
最後更新日期:

唐詩詠(Natalie)周六(6月23日)出席活動,一問起她是否對日本物業投資有所了解時,Natalie笑言自己對日劇就好了解,日本的物業是近幾年先開始留意,她認為當地都不失為一個投資的好地方。

唐詩詠近年有留意日本、英國、泰國的物業,認為供樓的壓力比在香港買樓來得少。(梁碧玲攝)

Natalie去年升做視后之後,工作接到不停手,早前拍到她和黃翠如孖住睇樓,不知道是不是已經準備好上車呢?Natalie直言收納了好多人的意見,所以近一年都在不停周圍睇樓,但看中的樓盤都好貴,自己也不忍心下手:「我真係太穩陣喇,我唔希望買咗層樓之後會有一個好重嘅負擔同壓力,因為以前屋企經歷過。雖然好鍾意,但係都會把持住。」所以Natalie會繼續物色,包括香港以外的樓盤。

Natalie不願孭好重負擔和壓力去供樓,會繼續物色筍盤,甚至是香港以外的地方。(梁碧玲攝)

Natalie接下來將在新劇《解決師》中扮演老師,她表示自己亦有同做了老師的同學聊天,了解他們的想法和面對的壓力。Natalie今次在劇中要做一位音樂老師,而吹長笛成為她最大的困難:「好難控制,鋼琴係你可以練,但係長笛除咗要練之外,你擺嗰隻笛嘅位一錯咗,我就吹唔到,我個氣一唔集中又吹唔到,即係佢要好多嘢好多嘢配合,你先可以吹到一個音。」近排還在拍攝《白色強人》的Natalie坦言自己不夠時間,所以要夾時間學長笛好困難,不過她都希望可以keep住去學,還說自己「偷」了一隻長笛回家,勤力練習,認真努力呀!

Natalie新劇扮演音樂老師,大呼吹長笛好困難,不過仍有keep住練習,非常勤力。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。