黃翠如拍旅遊特輯飲過巫師飲料:驚見自己皮膚變成樹皮

撰文:吳子生
出版:更新:

黃翠如出席位於銅鑼灣護膚品牌活動。因現場空氣悶焗,其間一名女粉絲不支暈到地上,工作人員即場協助傷者及報警,救護人員護理傷者清醒後,翠如上前慰問傷者,心情如釋重負。「當時嗰一刻真係好驚,好擔心佢,本身我都認識佢,怕佢冇食早餐,本身佢身體比較瘦弱,見佢醒返安心晒。」

黃翠如日前與好姐妹機場舉杯暢飲(梁碧玲攝)

翠如與洪永城二人相隔四年二再度合作拍攝旅遊特輯,8月份將會遠赴外國,以新興旅遊方式走進每一個國度。講起拍攝旅遊經歷,翠如直言「曾經遠赴亞馬遜拍攝,因為當地天太過濕,氣溫成40幾度,而試過中暑,隨隊有個巫師但又係是醫生,但佢係我個頭度吹一口煙之後我就醒咗。」

現場有粉絲暈倒,翠如擔心萬分(梁碧玲攝)

翠如曾經係網站上得知這名巫能有一種個人能力,能用藥力令人睇到「前世今生」嘅事,於是乎翠如放膽挑戰。「當晚巫師畀咗一杯深綠色飲品我飲,飲完之後, 嘔左兩個鐘,之後藥力發作,見到自己全身皮膚變咗樹皮,覺得好恐怖好驚,奉勸大家旅行千祈唔好亂試,時後我胃炎咗3個月。」

黃翠如奉勸各位旅行時,好多野都唔好亂試(梁碧玲攝)