寶珮如被6位數酬勞利誘整容：唔想因為錢再掂呢啲手術
撰文：翁漢瓏
出版：更新：
今年憑一套《藍天白雲》獲金像獎提名最佳女配角的寶珮如Baby Bo，在淡出幕前多年後再以成熟精彩的演技回歸觀眾眼前，直教人眼前一亮。現年53歲寶珮如，曾拍過受歡迎亞視劇集《肥貓正傳》，淡出幕前多年，寶珮如1999年遇上嚴重車禍，更導致破相，人生跌入谷底。
Baby分享自己七年我反反覆覆進行整形手術的感覺，坦言又割又切真係好痛苦，又要擔心手術有風險，不想再接觸這類手術。（賴家杰攝）
Baby今年拍攝工作增多，但依然無懼辛苦，她說：「我拍劇工作都幾舒服，又好玩，同龔姐（龔慈恩）合作得開心，佢完全冇架子，我哋成日交流扮靚心得，拍攝期間都有時間休息，所以一啲都唔辛苦。」
Baby直言自覺自己已經夠靚，現在這個年紀還是以健康作為大前提，追求內在的美麗就好。（賴家杰攝）
對於拍劇，Baby並非來者不拒，她透露自己近來拒絕了一檔真人秀節目，她說：「有公司知道我破相，特登搵我去韓國整容，話可以幫我個嘴執靚啲，佢哋係韓國搵晒啲出名嘅醫院同醫生，更出價六位數請我拍，我只需要比佢地全程拍攝記錄底我整容前後經過，不過最後我都係拒絕咗。」問及是否不想被拍下整容過程才拒絕，Baby回應：「唔關事！係我同老公商量之後，一致同意大家對現狀好滿足，生活得好開心，呢七年我反反覆覆做咗好多次呢啲手術，又割又切真係好痛苦，又要擔心手術有風險，我唔想因為賺錢又或者再靚多幾多分而再掂呢啲手術，我唔貪心，而家咁已經夠。」