連詩雅唔敢俾人知自己係美少女戰士Fans:大個咗先發覺童心係需要

撰文:
最後更新日期:

美少女戰士真係每位少女夢想。(葉志明攝)

美少女戰士(或者稱Sailor Moon)可算是90年代小朋友的集體回憶,那些年真的是「一街都係」美少女戰士產品,小至鉛筆擦膠,大至書桌日用品都一應俱全,幾乎每家都總有一兩樣「美少女戰士」物品。日前(8月11日)連詩雅出席「 美少女戰士」商場活動時,接受《香港01》訪問,原來她是一名「 美少女戰士」的超級Fans。「我係美少女戰士嘅超級fans。我記得套卡通片係我讀小學嘅時候開始播,我嗰時係書包,所以文具筆袋,所有筆盒、筆、擦子膠、書包、鞋、衫褲,屋企啲碗碗碟碟,全部都係Sailor Moon。但係大個咗之後,會諗:『死啦,我宜家鍾意Sailor Moon係咪太大個呢?』咁又唔係好敢話畀人聽,但係我再大個啲之後,我發覺童心係需要嘅。」

連詩雅屋企應該仲收埋好多美少女戰士產品。(葉志明攝)

說起現時家中的收藏,她說已經不及以往小時候的多。「宜家就有公仔,過咗去嘅生日,Fans就幫我舉辦咗個生日會,都訂咗個3層高嘅Sailor Moon蛋糕俾我。我都一路Keep住喺屋企,同埋有啲品牌同Sailor Moon Crossover嘅時候,都會送成Set嘢俾我,所以我都好多謝啲客戶記得我鍾意呢樣嘢。(宜家屋企儲咗幾多『美少女戰士』?)我諗屋企都有五十幾樣Sailor Moon(物品),屋企有公仔,我一朝早飲咖啡嘅杯,跟住我仲買咗隻碟,不過筷子就冇啦。不過諗返起以前都幾任性,無論見到Sailor Moon嘅乜嘢,都要爹哋媽咪買,佢哋都會盡量滿足我,所以都幾多回憶。」

+6
+5
+4


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。