【解決師】唐文龍幸福「放閃」 現場大讚楊柳青靚女

撰文:
最後更新日期:

緋聞情侶唐文龍及楊柳青於Tvb新劇《解決師》再度碰頭,二人今日出席探班活動時候,阿青表示完全唔知道佢(唐文龍)會出現,文龍亦透露好驚喜:「因為佢(楊柳青)之前同我係電話提及過,但之後完全冇咗呢回事,我同佢拍完《詠春十二手》之後,佢好忙,我又番咗內地工作,之後番美國探我爸爸媽媽,所以少聯絡,今日見到大家都好開心。」而訪文中文龍不斷稱讚阿青造型好靚,令到阿青不停發笑,睇到都覺得Sweet,阿青坦言佢的確係幾Sweet。

唐文龍在訪問中暗示楊柳青係結婚對象。

訪問中唐文龍更擔任記者一職,現場訪問阿青工作辛唔辛苦及問到拍電影同拍電視劇有乜分別等,當然阿青逐一回答文龍,「其實拍嘅時候唔辛苦,導演亦畀好多意見我,而電影同電視分別係Tvb拍電視劇效率好快,我覺得喺少林寺,好快訓練到我3Take裡面拎到感覺,呢件事對我好大幫助。」文龍笑言當然3Take要拍完,唔係第4Take會俾導演鬧。

 

《解決師》有王浩信、唐文龍、唐詩詠,但相信要到下年才可播映。

早前唐文龍有份出席鄭嘉穎與陳凱琳嘅婚禮,文龍表示第一次出席呢類型嘅婚禮,問到幾時到佢自己呢?文龍望一望楊柳青,笑著回答:「唔知道,我本來唔想望佢,但都要望一望佢,咁有合適緣份我唔會排除,人生兩個人係埋一齊係好奧妙,要睇緣份及包容。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。