湯洛雯心廣體胖失仙氣：媽咪話我似中華白海豚
撰文：吳子生
出版：更新：
靚湯表示感情未有著落，一切都順其自然，緣份一到，要避都避唔到（陳順禎攝）
湯洛雯周四（23/8）現身中環舉行的時裝活動。湯洛雯經常孖住細妹湯樂瑤四圍去旅行，細妹充當攝影師，拍下火熱性感照，不忘向網民派福利！靚湯表示：「自己近嚟喜歡攝影，對攝影好有興趣，買咗啲好多攝影書籍學緊，自己除咗想影人像之外，都好想影下風景，學緊攝影入門想影星星，其實依家都想買想機，細妹好鍾意影相，我哋兩姐妹有時會襯套衫，影啲姐妹感覺嘅相。」
湯洛雯表示同羅天宇有保持聯絡，但未有見面（陳順禎攝）
靚湯近日被傳媒拍到胸前爆衫鈕單身行街，看來心廣體胖連上圍也升cup不少。靚湯解釋話：「我承認自己呢排去旅行真喺食多咗嘢，之後我要食番健康啲，但大家可唔可以唔好話我肥呀，其實我自己又細到大都畀人話我肥，我媽咪仲話我似中華白海豚，成日問我幾時減肥，對上一次同媽咪去馬爾代夫，佢一見到啲海豚就叫：「你啲friend呀！」媽咪話似嘅原因喺我啲手腳比較瘦，個身脹卜卜，睇落好似中華白海豚咁樣囉。」
+3