【機場特警】王梓軒期待拍親熱戲 鄧佩儀：可能制服誘惑
撰文：吳子生
出版：更新：
無綫新劇《機場特警》一眾演員日前現身電視城造型暨拜神儀式，祈求拍攝順利。王梓軒、鄧佩儀兩人在戲中飾演機場特警，因雙方喜愛小動物互生情愫。梓軒表示認識佩儀已經好多年，今次喺首部合作嘅劇集。「呢套戲我地兩個喺一對歡喜冤家，我本身喺警犬隊，一個機緣入咗隊，巧合用咗佩儀隻狗做警犬，大家因而認識，之後雙方仲有感情綫。」被問到有冇親熱戲？梓軒笑話：「仲未知道點親熱法，可能著住套制服。」旁邊佩儀笑話：「可能喺制服誘惑，哈哈。」
王梓軒一星期操足5日，表示要跟貼機場特警角色（陳順禎攝）
呢套紀律部隊劇集，可以話喺鄧佩儀首部，而且一眾特警演員，用咗兩個星期訓練槍械及柔術。「較早前發覺左邊胸骨痛，去咗睇醫生發現胸骨裂咗，所以今次嘅訓練，喺唔受傷情況下盡操，好期待今次嘅拍攝，可以咁講呢套劇喺我人生咁紀律部隊嘅戲，，雖然之前有做過臥底，但未試過整套劇做緊一個咁紀律部隊，所以好期待。」
鄧佩儀拍攝首部紀律部隊劇集，不斷加操，務求拍攝有好的表現（陳順禎攝）