【亞姐2018】陳嘉容做嚴師望出高徒 教佳麗行天橋:我老師仲惡

撰文:陳栢宇
出版:更新:

亞洲小姐美麗傳承30載,以「鼓動・真我」為主題,為展現亞姐美麗與真我的一面,大會安排10位候選佳麗進行儀態、舞蹈、談吐、化妝等一連串密集式訓練,日前一眾佳麗着上4吋高踭鞋,跟名模兼亞姐形象總監陳嘉容(Eunis)學習儀態及台上Catwalk技巧,期間陳嘉容要求佳麗逐一望鏡示範Catwalk動作,稍有差池即遭「面斥不雅」兼要重做,訓練相當嚴謹。

陳嘉容指一眾佳麗沒有Catwalk經驗,希望令她們更專注學習,於是採取嚴厲態度,「可能惡少少先會聽媽咪話!」回想成為模特兒之前,陳嘉容亦曾接受嚴師指導,她說:「以前老師仲惡,我細個學Catwalk時成日都被鬧,因為被鬧會更驚,所以表現就更差,不過我知道佢係為我好,之後我真係好努力練習,就算喺屋企做家務、任何時候都着高踭鞋行來行去,克服對高踭鞋嘅恐懼,慢慢成功咗,點行點擺甫士都唔驚。」

陳嘉容講明會以嚴厲態度教一班候選亞姐。

首次擔任大型選美形象總監的陳嘉容直言首晤佳麗,第一件事就要她們學習「挺胸收腹」,「只要挺胸收腹,整個體態會變得修長,5呎6都變5呎7。」問到覺得10位佳麗有何地方要改善,陳嘉容認為:「佢哋比想像中條件有優勢,個個都幾靚女,如果化妝、服飾、髮型改進下,會有更大進步。Catwalk方面,有兩、三個佳麗行得差少少,其餘都OK、好自然。」

(左至右)1號賴嘉瑩、2號梁雪瑤、3號張靜茵、4號張右雨、陳嘉容、5號蘇頌筠、6號張靜婷、8號傅美霖、9號李芷菱、10號林孜沫。

問到1.73米、身型最高的2號梁雪瑤(Sheryl)對行Catwalk可有感到困難?Sheryl直認不諱:「好難呀!因為我本身高,好少着高踭鞋,平時多數着平底鞋,而家要着高踭鞋,需要時間去習慣,唯有着多啲、行多啲,不過上一堂我着4吋高鞋行,真係handle唔到,今日減2吋,由少少踭開始。」5號蘇頌筠(Dusty)也是礙於平時少穿高踭鞋,行Catwalk時表現極不自然。至於有跳舞底子的4號張右雨(Gloria)行Catwalk時被陳嘉容大讚有節奏感,事後Gloria說:「可能我之前做Dancer時,都行好多Catwalk,當時老師要求都好嚴,行得唔好會被鬧。」

2號梁雪瑤(Sheryl)坦言行Catwalk好難。