拍戲遭男藝人借故抽水 沙律澄清並非梁漢文：麻煩到佢好歉疚！
撰文：吳子生
出版：更新：
沙律直言經過今次「鹹豬手」事件後，會好好保護自己，林耀聲亦提醒女友，如果要拍親熱戲，必須先睇清楚劇本，並有導演在場之下才可以試戲。（陳順禎攝）
林耀聲和女友張沛樂（沙律）周四晚（13/9）孖住出席《鐵血戰士：血獸進化》群星首影禮。有報道指，沙律早前前被人借故試戲為名作藉口抽水為實，主動提出要加入擁抱戲份，並以雙手環抱她的頸部，並用上身撞向沙律胸部。沙律接受《香港01》訪問時憶述事件經過：「其實報道一出咗街之後，知道好多人會揣測當中抽我水嗰個人究竟喺邊個呢，有人話喺梁漢文，我喺度澄清嗰個人唔喺佢，搞到佢我真喺好歉疚，其實案發嗰日場戲喺文戲，係唔需要有身體接觸，但佢喺未同我溝通情況下從後攬住我，我覺得好受屈辱，好唔尊重。」
林耀聲提醒 拍親熱戲前先睇劇情後試戲
對於女友沙律被抽水，在旁的男友林耀聲表示憤慨。「明白作為演員好多時候，劇情需要拍親熱戲，在所難免，我而家會提佢喺拍之前，要睇劇情需唔需要，喺做之前要口述一次，話畀大家知先，之後要導演在場，睇下導演認唔認同做呢啲嘢，對呢場戲有冇幫助，先至去試戲，咁樣做對大家先有個信任喺度。」
沙律遭抽水的報道出現後，很多人揣測該名男藝人是梁漢文，沙律澄清不是他：「麻煩佢我真喺好歉疚！」（資料圖片）
+6