【天盛長歌】陳坤突玩男男CP? 女主角倪妮都要企埋一邊

撰文:
最後更新日期:

《天盛長歌》搵咗張叔平做美指,品質有保證。

近年內地劇集由製作費、cast甚至連靚衫乜都有得比較,於大台熱播中的《延禧攻略》幾位主角的服裝精細,就連手持的扇子亦十分講究,華麗程(費)度(用)令人震驚。而同樣係宮廷大片,由陳坤、倪妮擔正嘅《天盛長歌》日前已於Netflix上架,劇集起用香港美指界鼻祖張叔平擔任造型總監,阿叔特選用了奢華低調的暗金和鮮明度較低的暗色系為主調,配合充滿暗湧和陰謀的劇情發展。而戲服上的每個刺繡、釘珠同印花都是人手縫製以及印上,一套戲服需時十日製作。倪妮飾演的鳳知微,其戲服主色為灰藍啡綠等低調色彩,而非嫣紅姹紫等明亮主色,但印花方面卻反其道而行,大膽採用了富現代感的幾何圖騰,就如佢嘅性格一樣,看似低調沉著,實則睿智堅韌、不輕易屈於命運。
 

不過相信連阿叔都估唔到,觀眾最喜歡陳坤同趙立新呢對男男CP。

不過,都係嗰句啦,就算衫再靚,都要劇情好,先留得住觀眾,《天盛長歌》劇集於內地已經進入白熱化,陳坤同倪妮好不容易發展成戀人,但卻因為倪妮身世而變為虐戀,之不過,觀眾最buy嘅原來並非呢一對,而係陳坤同趙立新呢對男男CP,趙立新於劇中飾演青溟書院的院首辛子硯,立志輔佐輔佐成為一代明君,二人不時會謀劃對策,但對白如「這是要讓我進去嗎?」、「你身上常常有這個香味」令唔少觀眾想入非非,加上不時有身體接觸,令觀眾笑言「辛子硯原來先係真正女一」。

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。