明日花綺羅來港孖Rose Ma拍片 出浴兼講日式廣東話勁可愛

撰文:
最後更新日期:

明日花同Rose Ma真係好似樣。

日本人氣女優明日花綺羅早前來港,與港版「暗黑明日花」Rose Ma(馬俊怡)同場,網友除咗驚嘆佢地真係好似樣,亦相當好奇到底呢次合作拍啲乜。呢日謎底終於解開,原來這對哎吔「twins」一齊拍攝廣告。

短片中ROSE飾演細妹。

飾演家姐嘅明日花,一開始就浸牛奶浴露出一雙玉腿睇,妹妹Rose就喺大廳瞓梳化一路睇片一路嗌,引來住隔離左右嘅張建聲、肥腸、珈其同趙永洪喺門口偷𥄫,最後一仆一碌衝埋入屋。明日花更入鄉隨俗,以日式廣東話講咗兩句對白:「咩事咁嘈呀?」、「我想睇愛情動作片多啲!」

除咗兩位美女,仲有張建聲、趙永洪、岑珈其及肥腸(徐浩昌)。

出名身材火辣勁爆的明日花同Rose,於片中齊齊着迷你白色 tube top 上陣,性感程度令人鼻血直流,Rose謙稱身材唔及明日花:「佢身材好好多,我好多肉架,佢骨架真係細 。」最搞笑係身為 KOL 的 Rose 身經百戰,但對住明日花忽變小fans,驚驚青青怕怕醜醜,不過就猛讚對方五官精緻好靚女。

明日花用唔鹹唔淡廣東話講呢句對白,相當搞笑。

明日花雖然言語不通雞同鴨講,但工作態度非常專業,浸浴缸浸咗接近一個鐘,水由熱變凍再加熱又變凍都冇怨言,中途仲要食一碗雲吞麵增添 energy。而首次來港嘅明日花既親切又友善,當日更被幾位拍檔不停集郵留念。

明日花浸浴缸浸咗接近一個鐘,水由熱變凍再加熱又變凍都冇怨言,相當專業。

+8
+7
+6


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。