找外國拳擊教練武裝自己 黎美言:有啲心癢想打吓比賽!

撰文:
最後更新日期:

黎美言(Winkie)昨晚(22日)出席慈善晚宴,表示自小媽媽就教導她要回饋社會,所以一直都積極參與慈善活動,今日(23日)更會率領她的拳擊跳舞學校一眾學生到老人院探訪。她指老人家特別需要我們呵護:「老人家係以前社會嘅棟樑,好多嘢都係佢哋幫手建立。有時將心比心咁諗,你老咗嘅時候都會好想身邊嘅人關懷你。」除了探訪老人,喜愛動物的Winkie亦非常關心流浪動物,尤其早前受颱風吹襲令很多住在郊區的流浪狗都失去家園很需要幫助。

黎美言(Winkie)昨晚(22日)出席慈善晚宴,表示一直都積極參與慈善活動,覺得老人家跟流浪動物都很需要大家的幫助。(陳順禎攝)

Winkie透露上半年在內地忙於拍攝武打電影,更表示為了拍攝受傷是意料中事:「半邊身瘀晒,不過做武打演員係辛苦嘅,預咗嘅。」雖然辛苦,但她表示有專業的武術指導在旁令她都感到很放心。另外,Winkie在一部講述跳舞與花式跳繩的電影中擔任女主角,並將會在下半年上映。

Winkie自爆之前因參加拳擊比賽令腳趾公歪掉,所以為了拍電影暫時不會參加比賽,但最後都表示有點心郁郁!(陳順禎攝)

近年Winkie都向難度挑戰,已經考取泰拳教練牌及急救牌的她表示想繼續武裝自己:「另外考埋個gym牌啦,嚟緊仲會同外國人打!搵咗外國人師傅同我練拳再upgrade(升級),咁可以再打得勁啲打得好啲囉。(會唔會再參加比賽?)唔參加住,因為之前參加比賽呢,嗰個腳趾公歪咗,打比賽預咗(會受傷)無咩所謂,但係暫時嚟講因為始終要拍電影就唔想受傷。但係都有啲心癢想打吓比賽!」



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。