樂瞳修身有辦法　貪方便最愛纖體補充品

樂瞳最近以紅色低胸連身裙，到澳門出席2014世界華埠小姐總亞軍梁安琪所創辦纖體品牌的開幕慶典。每個女生都有貪靚一面，樂瞳亦不例外，近年更愈來愈愈Fit，不時在網上平台晒泳裝照，她直言份外注意有助纖體的產品，平時會跑步、做瑜伽及游水，亦會選擇方便有效的健康補充品：「我平時比較懶，都想搵到有效快捷嘅產品，即係一支嘢就有幾個功效，護膚同減肥都一樣，你要知道自己缺乏啲咩再去補充返，例如我屋企有啲瘦身啫喱，有時減肥會好肚餓，就用代餐頂肚。」

為食的樂瞳表示近年變得更注意飲食，不會暴飲暴食，會細心挑選「有營食品」，講到減肥血淚史，她直言試過太急速減肥影響情緒更暈倒：「以前試過準備拍廣告好大壓力，想好快減到肥，就試下果汁排毒法，連飲十幾日，期間冇食其他食物，之後撞正生理期，我嘔同暈，阿媽拎桶畀我都拎唔切，我就眼前一黑暈咗，可能我體質唔受得咁涼，前排我Check到子宮有朱古力瘤，所以飲果汁排毒真係太寒涼。」

至於選美出身的梁安琪毅然放棄演藝事業，積極從商發展美容事業，除了在澳門插旗，下月更會在珠海開分公司，野心甚大：「而家公司有纖體同美白果凍，仲有減肥同其他產品陸續推出，希望生意愈做愈大。」講到生意正式開張，她直言既開心又緊張，感激每位到場的生意朋友、賓客及樂瞳支持，為開幕一腳踢的直言終於可稍為鬆一口氣，但當然不會休息，會繼續為生意打拼做女強人。