【警訊】麥包曾被騙幾百萬 嘆路遙知馬力 :一直搵律師搞緊

撰文:
最後更新日期:

麥包(麥長青)今日(10日)現身《警訊》節目進行拍攝,麥包笑言從小時候已經觀看《警訊》:「我小時候一直都好想拍《警訊》,好想做警察覺得好威,但到人大咗,就唔想做警察,想做賊,因為人長大,喺社會都睇到好多事,發覺有啲人笑容滿面好慈祥,但笑笑口走埋嚟其實想咬你,其實係衰人。」

麥包(麥長青)今日(10日)現身《警訊》節目進行拍攝。(陳順禎攝)

早幾年麥包曾經被騙徒騙了幾百萬,至今還沒有解決好:「其實呃錢係事小,但牽涉落嚟嘅麻煩幾年都未解決到,一直搵律師搞緊,所以提提大家世界無不勞而獲,踏實啲工作。能夠呃你嘅人都係你信任嘅人,我唔係叫大家唔幫朋友,但真係要用內心去睇,因為路遙知馬力,日久見人心。」麥包稱當初如何渡過這個困難,全因為一個圈外朋友幫忙,所以很感激他。

麥包早年曾遇上騙徒被幾百萬,他呼籲大家要小心不要被騙,不然就會像他現在這樣不斷努力工作。(陳順禎攝)

另外,近日江美儀被爆出離婚事件,作為好朋友的他有沒有關心美儀?「朋友當然會關心,但搞到我好困擾,因為好多朋友打俾我或發短訊鬧我,問我點解美儀單身兩年唔通知我,咁好嘅筍盤,等我哋追佢,但其實我真係唔知佢單身咗兩年。」但是美儀也因為隱瞞婚姻也給網民說她欺騙大眾,麥包幫好朋友反擊的說:「其實有乜所謂,又唔關你哋事,佢自己嘅事,大家結婚都無話我知,同埋人要展望將來,唔她去想唔開心嘅事。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。