【陳展鵬結婚】新婚派對撞TVB大騷冇人到？原來揀今日係呢個原因

陳展鵬與單文柔早前（10月13日）正式簽字結婚，同日更在中環四季酒店宴請親朋好友出席婚禮以及晚上的婚宴。陳展鵬雖是TVB圈中的演藝一哥視帝級，但當晚出席的圈中好友（其中以亞洲電視戰友居多）真係十隻手指數得晒。原來貼心的陳展鵬當晚只邀請親友出席，其他TVB好友就留待昨晚的新婚派對。

昨晚（10月15日）陳展鵬與單文柔同樣在中環設宴。不過稍有不同的是，今次選址中環的某間雞尾酒宴會場所。陳展鵬更豪氣包場，所以晚上8時許一班追訪的傳媒就於地下門口，在微微細雨中等候一對新人的出現。在約9時左右陳生陳太就在門口下車。陳生陳太接受訪問時就表示選擇與TVB51週年亮燈「撞期」，其實是一個貼心的舉動。「宜家興自然舒服㗎嘛，講真我哋TVB咁多兄弟姊妹，如果要擺酒就會變咗好拘謹。我記得有一次我要着住古裝去賀兄弟，但係擺低份禮就要走。如果開緊工嘅朋友，早啲嚟或者晏啲嚟又得。」陳展鵬表示選擇當晚，也是方便TVB同事可以在亮燈儀式後到場，又不需「趕住拍劇」。當然，一班圈內好友在大騷過後亦逐一抵達。

一對新人被問到當晚會否不醉無歸時，陳太就表示第二日要開工，而陳生就表示：「我好耐冇醉過啦，你知啦飲醉酒開唔到工，不過我呢兩日就唔使開工嘅，可以盡興少少。（酒量好唔好？飲幾多杯？）好難用杯去衡量，係幾多啖先啱。」至於新婚蜜月，陳展鵬就表示已經計劃好了，只是還没有空檔日期。造人方面，陳太單文柔依舊表示：「順其自然啦。」