【岳華逝世】胡定欣難忘合作《巾幗梟雄》：同佢合作好舒服

資深藝人岳華昨晚（20日）於加拿大逝世，享年76歲。胡定欣表示也是今天早上與大家同時間得知這消息：「想起曾經與岳華哥合作過的《巾幗梟雄之義海豪情》我同佢戲份都好多，咁其實都聽過佢身體唔係幾好嘅事，當然佢喺加拿大休養，亦有透過同佢相熟同事作出一啲慰問，希望佢屋企人無事，節哀順變。」定欣對於岳華哥的印像是拍劇時候合作很舒服，也覺得他很有型，常常穿著西裝。

定欣說到對上一次已忘記是何時見岳華哥：「有喺公司見過佢，但無再同佢拍劇，然後相隔一段日子，我諗起佢，喺公司講話好耐無見岳華哥，然後就問一啲公司前輩，佢哋話番咗加拿大養病，有唔舒適。」