劉嘉玲狂行山 「考牌」挑戰蚺蛇尖:發哥要我行5年山先帶我去!
撰文:吳子生
出版:更新:
劉嘉玲今日(25/10)出席尖沙咀舉行的著名時裝品牌活動。
劉嘉玲近年熱衷行山,最近就挑戰八仙嶺行山徑,還坐在崖邊石上拍照還在Ig度放閃:「而家每日都會去行山,因為去到大自然嘅時候,心情自自然然好開心,我嗰日去咗行八仙嶺,仲要行晒全部8個峰,去到第8個峰嘅時候,我去咗崖邊度感受大自然俾我嘅寬敞嘅感覺,但其實我都覺得坐喺度又唔係幾好嘅,因爲都幾危險,我朋友都有提醒我要小心,所以我都奉勸行山人士都唔好坐喺嗰度,如果唔小心真係會發生意外。」
偉仔留在家中睇Apps做運動
西貢蚺蛇尖是香港三尖之首,山勢非常險要,並不是初學者可以行的。嘉玲表示自己好想挑戰這個山峰:「我好記得4年前第一同發哥行山,我問發哥邊個山最難行,發哥話蚺蛇尖,佢仲話等我行夠5年山,就話帶我去行,而家我行咗有4年,仲有一年佢,到時佢就可以帶我去挑戰呢個山峰。」(偉仔平時有冇行山嘅習慣?)嘉玲話:「佢有時都會跟住我尾一齊行,但始終佢都鐘意留喺屋企度,睇住個電腦望住啲Apps教人做運動,佢就跟住做,佢都係比較鍾意留喺屋企,」
+1