【機場特警】楊明日拍12小時再健身:中間好多場戲都要除衫

撰文:
最後更新日期:

TVB新劇《機場特警》現正拍攝當中,劇中飾演機場特警之一的楊明接受《香港01》訪問時表示,拍攝該劇異常辛苦又有趣。「日頭朝8晚8拍外景,夜晚就接廠景,中間一有時間就要操(健身)。因為機場特警佢哋真係好誇張,啲手臂勁粗。」

楊明表示事前除咗操體能操肌之外,仲特登去咗曬太陽燈。「因為佢哋個個皮膚都好黑。」(林迅景攝)

楊明:「佢哋On Duty之前有1個鐘係訓練體能,不過唔係計幾多下,而係計做幾多分鐘。我未拍之前,跟監制入去,就跟咗佢哋操一日。其中有一Part係佢哋圍住個圈操體能,我淨係Join佢哋一分鐘我都想死!」楊明解釋,真正的機場特警體能相當之好,形同飛虎隊一樣,入選試更需4日3夜不眠不休測試體能。「我體能連佢哋4份之1都冇。我哋套劇會拍埋出嚟,張振朗同蔡思貝佢哋就係參加嘅。」

楊明話而家每日淨係可以食雞蛋同雞柳,真係慘,咁女友莊思明駛唔駛陪食呢?(林迅景攝)

為了飾演今次機場特警的角色,楊明亦有操肌務求神似。「除咗做Gym,仲要食啲蛋白質嘅,一日要食10隻蛋白,同埋8條雞柳左右,冇其他嘢食㗎啦。因為中間好多場戲都要除衫,所以全部嘢都要走油,不過蛋黃都可以食兩三粒嘅,有少少味嘛。」



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。