【跳躍生命線】寄刀片恐嚇編審? 冼翠貞回應:俾人話我好黑心!

撰文:
最後更新日期:

熱爆全城的台慶劇《跳躍生命線》昨晚(9/11)播出大結局,觀眾最關心飾演阿Man的張曦雯到底最後生與死,答案終於揭曉!劇中,原本心臟停止跳動的張曦雯因為「拉撒路症候群」死而復生,她與飾演麥Sir的馬神馬德鐘終於有情人終成眷屬!結局播出後,張曦雯在IG發文表示:「阿Man冇事,唔好再寄刀片畀編劇啦!」

《跳躍生命線》中的確死了不少人,包括馬神的老婆李佳芯、陳榮峻夫婦、遇溺的男孩、遇溺男孩的爸爸曾偉權、撞死李佳芯的司機林茂祥以及最教人心痛,因工殉職的「雄姐」張彥博。難道就是這個原因而令編審收到刀片威脅嗎?編審冼翠貞接受《香港01》訪問時就笑言:「講笑啫,冇收到刀片,『寄刀片』只係內地用語嚟,但就有俾觀眾話我黑心囉。」問到冼翠貞為何在結尾再安排扣人心弦的讀白作為完結,她解釋指:「其實只係想借呢啲讀白,私心講一啲message俾大家,開頭都驚觀眾接受唔到,初初淨係夠膽喺頭15集到放。(啲讀白係咪好難度?)又唔係喎,因為我哋係定咗主題先,再放啲救護case入去。」

劇集大團圓結局,相信觀眾不會再打去投訴!(IG圖片)

點擊下圖逐格回顧劇情

+8
+7
+6

劇集如此成功,冼翠貞至今仍然覺得好意外:「呢套本身就唔係重頭劇,估唔到播出之後有咁好嘅成績,完全係意外。(會唔會開續集?)等公司安排,但我個人都唔想嘅,比較想開另一個新嘅題材,不過暫時都未諗。」她更強調感謝公司裡所謂的「綠葉」演員:「其實佢哋真係好好戲,我好欣賞佢哋,所以都想用多啲。我自己對金融、爭產同宮廷方面嘅劇都唔擅長,所以都想寫一啲講述小人物的故事,而且之後我都唔夠膽亂咁嚟,做嘅每一部劇都會做足功課,比足心機同認真面對。(會點搵靈感?)睇韓劇,我自己本身好鍾意睇㗎!」到底冼翠貞下一部作品會以什麼作為題材呢?相信觀眾亦相當期待。

左一:編審冼翠貞(電視截圖)

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。