黃妍預告明年初出新歌:嘗試夏秋冬季節主題

撰文:
最後更新日期:

樂壇女新人黃妍 (Cath) 今日出席英文教育活動,大談自己的偶像Taylor Swift。「我中學果陣最鐘意聽嘅外國歌手就係佢,我仲記得有次talent show我唱咗佢嗰首《Love Story》。當時係朋友推介下聽,慢慢就鐘意佢一路彈結他一路唱嗰個形象」,更即刻fangirl上身大叫Taylor「快啲黎香港啦!」直言若不是自己工作太忙,已經一早飛去東京捧偶像場。

Cath早前推出單曲《笑容迷路了》,歌詞反映了現代很多都市人心聲,「首歌係講我啱啱出黎社會做野,做一份好多人都做緊嘅沉悶工作,成日要OT,星期六日又無得放假,好辛苦。我發覺原來忙到無得玩音樂嘅日子係好唔開心,連笑都無咗嗰份感染力,好恐怖,於是就有呢首歌去排斥負能量。」Cath更透露《笑容迷路了》的MV場景和她現實生活有關聯:「我係MV入面唱歌嗰間cafe其實就係我被而家唱片公司發掘嘅地方,另外同導演商量過後再加入老伯伯嗰條故事線,保留返追尋迷失笑容嗰份情懷,所以我睇完個MV都覺得好窩心。」

黃妍 (Cath) 將會在明年年初推出一首冬天感較重的單曲,聯合之前兩首歌組成季節三部曲,主題特別。(葉志明攝)

Cath計劃在明年年頭出新歌,歌曲主題更會和之前的兩首歌呼應,猶如夏秋更替,秋去冬來一樣。「《如何從夏天活過來》係講夏天,《笑容迷路了》就隱約有秋天感覺,所以我下一首歌就諗住寫冬天,大家可以期待下。」另外Cath又希望有機會和同事小塵埃合作,指他們人前人後都非常友善,視他們為學習對象。

最後Cath亦說有留意香港網民對樂壇新人的批評,面對尖酸的留言Cath又有何感想呢?「其實我好開心佢地肯花時間去留言,因為咁樣代表佢地起碼有留意到我,我會慢慢去睇佢地嘅comment,慢慢去改善自己。」

Cath期望有和小塵埃合作的機會,又會閱讀網民留言改善自己歌喉。(葉志明攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。